Walther von der Vogelweide

G ä s t e b u c h

Oktober 2017

( 1170 - 1230 )

Reichston

Erster Spruch ( Reichsklage )

Ich saz ûf eime steine,

und dahte bein mit beine,

dar ûf satzt ich den ellenbogen;

ich hete in mîne hant gesmogen

daz kinne und ein mîn wange.

dô dâhte ich mir vil ange,

wie man zer welte solte leben;

deheinen rât kond ich gegeben,

wie man driu dinc erwurbe,

der keines niht verdurbe.

diu zwei sind êre und varnde guot,

daz dicke ein ander schaden tuot;

das dritte ist gotes hulde,

der zweier übergulde.

die wolte ich gerne in einen schrîn.

jâ leider, desn mac niht sîn,

daz guot und weltlich êre

und gotes hulde mêre

zesamene in ein herze komen.

stîg unde wege sint in benomen:

untriuwe ist in der sâze,

gewalt vert ûf der strâze:

fride unde reht sint sêre wunt.

diu driu enhabent geleites niht, diu zwei enwerden ê gesunt.

Text und Uebersetzung : www.wikipedia.de

Vertonung ( Minnesang ) : Hatz von Hatzenstein

Gedicht zu Gast